Netzball 2024

Sit dem  1.1.2024 ghört Netzball zum STV, entschiede wurde isch es nach de Uflösig vom SVKT Fraueverband. Netzball wird bis eus mit grosser Freud und grossem Isatz gspielt.  Im April händ eusi Spielerinne am Turnier in Buttisholz teilgno und de 2.Rang useholt. Im Mai dann händ denn eusi  Schiris’ ihre Kurs in Oberrohrdorf  dörfe absolviere. Denn Afangs November händ d’Spielerinne denn am Plauschturnier in Eschebach teil gno, do chamer grad säge - si kamen und siegten.

Am  24.11. het ’Vorrundi vo de Netzballmeischterschaft in Wollerau stattgfunde – au do sind eusi Spielerinne erfolgrich gsi und händ de 1. Rang use gspielt. D’Rückrundi vo de Meischterschaft findet im März  2025 statt.

Optimal für eus alli isch de gueti  Zämehalt undere nand und au d’Freud am zäme spiele

Helga

Volleyball 2024

Im Volleyball hämmer würkli de Plausch – und sind au jede Mändigobig mit Freud debie am zäme spiele. Es entstönd bi eus au kei Machtkämpf wer isch besser – es isch eifach de Plausch. Denn chömer au ziemli viel lache über die luschtige Spielsituatione wo’s immer wieder git.

Will mir würkli es Plausch  Spielgruppe sind – sind au alli demit iverstande gsi, dass mir eusi Turnhalle Stund i de neue Halle abgänd – demit die Turnstund vom Mändig mit de Renata witer bestoh bliibe cha.

Wenn’s denn emol so wit isch, dass die alti Halle wieder benutzt werde chan – düemer’s  sicher wieder gnüesse  wenn mir mitenand Volleyball spiele chönd und de Plausch debie händ.

Helga